Bilim Group Командасы

Bilim Group негізін қалаушы, Қадағалаушы кеңес төрағасы

Қазақстандағы ең ірі EdTech компаниялардың бірі саналатын Bilim Group тобының негізін қалаушы. Халықаралық қатынастар және стратегиялық менеджмент саласында білім алған, Гарвард университетінде академиялық тағылымдамадан өткен.

2011 жылдан бері цифрлық білім беру және қазақ тілін кеңінен насихаттауға бағытталған жобаларды жүйелі түрде дамытып келеді. WikiBilim қорын құрып, «Қазақша Википедияны» дамытуға қосқан үлесі үшін Wikimedian of the Year халықаралық сыйлығын иеленді. Google компаниясымен серіктестік аясында қазақ тілінің Google Translate жүйесіне енгізілуіне бастамашы болды.

Оның басшылығымен Bilim Group бүгінде 15-тен аса цифрлық өнімді қамтитын, миллиондаған қолданушысы бар ауқымды экожүйеге айналды. Рауан Кенжеханұлы iMektep, Kitap.kz, Twig-Bilim, BilimLand, iTest, OnlineMektep, BilimUstaz, BilimKids, BilimCenter және мектеп пен мұғалімдерге арналған өзге де цифрлық шешімдердің жасалуына тікелей атсалысты.

2022 жылдан бері Bilim Group және Coursera компаниялары арасында серіктестік орнатылып, 100 мыңнан аса қазақстандық жоғары оқу орындарының студенттері әлемнің алдыңғы қатарлы университеттерінің озық курстары негізінде білім алуға мүмкіндік алды.

Ал 2025 жылы Bilim Group OpenAI компаниясымен серіктес болып, қазақстандық ұстаздарға ChatGPT Edu қызметін ашып берді.

Сонымен қатар Рауан Кенжеханұлы «Ұлттық аударма бюросы» қорының құрылуына бастамашы болып, «100 жаңа оқулық» ұлттық жобасы мен Oxford баспасымен бірлескен алғашқы қазақ-ағылшын сөздігін жарыққа шығару жобаларының басы-қасында болды.

Рауан Кенжеханұлы

Bilim Group негізін қалаушылардың бірі және бас директоры

Білім беру технологиялары саласындағы білікті сарапшы, Bilim Group-тің дамуына 2013 жылдан бері атсалысып келе жатқан негізгі тұлғалардың бірі. Satbayev University-дің Computer Science мамандығы бойынша түлегі. Компаниядағы еңбек жолын веб-әзірлеуші ретінде бастап, кейін CTO, одан соң CPO қызметін атқарды. 2025 жылы Bilim Group-тың бас директоры болып тағайындалды.

Александр компанияның алғашқы өнімдері — iTest, BilimLand, Kitap.kz, iMektep, Twig-Bilim платформаларын жасап шығару процесіне жетекшілік етіп, алғашқы нұсқасын дайындаудан кең ауқымда дамытуға дейінгі жұмысқа тікелей қатысты. Бүгінде бұл сервистерді миллиондаған оқушы мен мұғалім пайдаланады.

Әр кезеңде топтың технологиялық бағыттарын басқарды, соның ішінде білім беру саласындағы мемлекеттік қызметтер мен басқару процестерін автоматтандыратын SmartNation IT платформасының әзірленуіне жетекшілік етті.

Пандемия кезеңінде NIS-пен бірлесіп OnlineMektep платформасын іске қосуға бастамашы болып, ел мектептерінің қашықтан оқыту форматына көшуіне ықпал етті.

Оның жетекшілігімен BilimClass электрондық журналының дамуы қайта жанданды. Бүгінде бұл жүйе 12 өңірде жұмыс істеп, 350 мың мұғалім мен 2,5 миллион оқушыны қамтып отыр.

Александр Савченко

Bilim Foundation қорының президенті

Заң ғылымдарының кандидаты. 2000–2016 жылдар аралығында әл-Фараби атындағы Қазақ ұлттық университеті жанындағы Мемлекет және құқық институтында оқытушылық және ғылыми қызмет атқарып, заң жобаларына құқықтық сараптама жасаумен айналысқан.

2017 жылы ақпанда Bilim Foundation қорының президенті болып тағайындалды. Оның басшылығымен қор бірқатар маңызды әлеуметтік жобаларды жүзеге асырып келеді.

Олардың қатарында кәмелетке толмағандар арасындағы суицидтің алдын алу және психикалық денсаулықты нығайту жобасы, «Жарқын Болашақ» білім беру бағдарламасы, BF Line тегін психологиялық көмек көрсету желісі, сонымен қатар ауыл мектептерін жаңартуға және білім сапасын арттыруға бағытталған жобалар бар.

Ерлан Айтмұхамбет

Коммуникация жөніндегі директор

Коммуникация және маркетинг саласында 10 жылдан астам тәжірибесі бар. Білім беру, IT және денсаулық сақтау бағыттарындағы компаниялар мен стартаптарға кеңес береді.

Bilim Group құрамында Әсем холдингтің сыртқы коммуникациясын дамытуға жауап береді. Бұқаралық ақпарат құралдарымен, серіктестермен және негізгі стейкхолдерлермен жұмысты үйлестіреді, сонымен қатар топқа кіретін барлық компанияның PR бойынша стратегиялық бағытына жетекшілік етеді.

Әр жылдары АХҚО Үздіксіз кәсіби даму бюросының, сонымен қатар «Бiлім-Инновация» халықаралық қорына қарасты білім беру ұйымдарының (Ustaz Pro, Qundylyq) PR бағытын басқарды.

PR менеджер ретінде Әлеуметтік медициналық сақтандыру қоры шеңберінде МӘМС реформасын түсіндіру бойынша ақпараттық науқанға қатысты. Сонымен қатар Astana Hub командасында стартаптар мен IT компанияларды көпшілікке таныту бағытында жұмыс істеді.

Әсем Берік

Мемлекеттік органдармен жұмыс жөніндегі жетекші

Заң ғылымдарының магистрі, сонымен қатар экономика саласында жоғары білімі бар. Bilim Group компаниясына 2025 жылдың мамыр айында қосылды. Компанияда Рауан мемлекеттік органдармен және білім беру ұйымдарымен ұзақмерзімді, жүйелі байланыс орнатуға жауап береді.

Рауанның қызметі орталық және өңірлік мемлекеттік құрылымдармен серіктестікті нығайту, компаниялар тобының маңызды жобаларын сүйемелдеу, нормативтік-құқықтық талаптарды талдау және бақылау, сонымен қатар мемлекет пен Bilim Group арасында ашық және сенімге негізделген коммуникация орнату бағыттарын қамтиды.

Рауан Рымбек

HR директор

Қоғамдық ғылымдар магистрі, HR саласында 15 жылдық тәжірибесі бар. Коучинг (ICF), кәсіби бағдар беру, мансаптық және психологиялық кеңес беру, SHL, DISC және AI HR бағыттары бойынша қосымша білім алған.

Раушан Bilim Group компаниясына 2025 жылдың сәуірінде қосылды. People Team-ді басқарып, HR стратегиясын әзірлеумен және оны жүзеге асырумен айналысады. Негізгі HR процестерді басқарып, басқарушы команданы, корпоративтік мәдениетті және ішкі коммуникацияны дамыту жұмыстарын жүргізеді. Ұйымдастыру бағытындағы өзгерістерге қатысады.

Раушан Жакупова

SmartNation жетекшісі

Технология, басқару ісі және жүйелік талдау бағытында жұмыс істейтін білікті маман. Бухгалтерлік есеп және аудит, сонымен қатар халықаралық экономика саласында білімі бар.

Bilim Group командасына 2018 жылы — SmartNation өнімі іске қосылар кезеңде жоба менеджері ретінде қосылды.

Оның басшылығымен жүйе білім беру саласын автоматтандыру нарығындағы жетекші шешімдердің біріне айналып, 16 облыс пен облыстық маңызы бар үш қалаға енгізілді.

Ермек Каменов

OQU жетекшісі

Е.Бөкетов атындағы Қарағанды университетінің түлегі, білім беру саласында 15 жылдық тәжірибесі бар маман. Мұғалімдік, сонымен қатар мемлекеттік органдарда басшылық қызметтер атқарған.

2024 жылы Bilim Group командасына мемлекеттік органдармен жұмыс бағытының жетекшісі ретінде қосылды. BilimClass платформасын Қазақстан мектептеріне енгізу жұмыстарына қатысты.

Қазіргі таңда Назир өзінің педагогикалық, басқарушылық және техникалық тәжірибесін тиімді ұштастырып, Bilim Group серіктестерімен бірлескен жаңа ауқымды жобаны жүзеге асырып жатыр.

Назир Жашибеков

BilimClass бас өнім менеджері

Нархоз университетінің «Есеп және аудит» мамандығы бойынша түлегі, экономика және бизнес бакалавры. Bilim Group компаниясына 2019 жылы қосылып, бастапқы кезеңде білім беру ресурстарына арналған видеоконтентті әзірлеу және монтаждау жұмысына жауапты болды.

2021 жылы өнімдік бағытқа ауысып, OnlineMektep платформасының дамуына үлес қосты. 2022 жылы өнім менеджері атанса, 2025 жылы BilimClass электрондық журналы мен күнделігінің бас өнім менеджері болып тағайындалды.

Фархат өнімге толықтай жауап береді: даму стратегиясын айқындап, функционалдық мүмкіндіктердің басымдықтарын нақтылайды. Негізгі көрсеткіштер мен сервистің мектептердегі сапалы жұмысын бақылайды. Сонымен қатар BilimClass-тың жұмысын дамыту, талдау және енгізуге жауапты бірнеше кросс-функционалды команданың жұмысын үйлестіреді.

Фархат Үсен

BilimUpSkill директоры

Білім беру және EdTech саласының зерттеушісі. Білім беру саясаты, педагог кадрларды даярлау және біліктілік бағытының сарапшысы, 38 ғылыми мақаланың авторы. Жамбыл педагогикалық институтының (қазіргі М.Х. Дулати атындағы Тараз университеті) «Орыс тілі мен әдебиеті пәнінің мұғалімі» мамандығы бойынша түлегі. Филология ғылымдарының кандидаты, әдебиеттану доценті.

2023 жылы Bilim Group командасына BilimUpSkill академиялық директоры ретінде қосылды. Осы қызметінде Ғылым және жоғары білім министрлігімен бірлесіп, Coursera онлайн курстарын ЖОО оқу бағдарламаларының бір бөлігі ретінде тану жөніндегі нұсқаулықтарды әзірледі.

Сонымен қатар Алима Ибрашева халықаралық стандарттарға сай жаппай онлайн курстарды әзірлеу бойынша әдістемелік қолдау жұмысын басқарып, компанияларға арналған құзыреттілікке негізделген кәсіби оқыту процесін үйлестірді.

2025 жылы BilimUpSkill директоры болып тағайындалып, бүгінде академиялық бағытпен қатар, жобаның қаржы бөлігіне және жоспарлау процестеріне де жауап береді.

Алима Ибрашева